భారతదేశంలో తయారైన మూడు ప్రమాదకరమైన సిరప్స్‌పై WHO హెచ్చరిక – మధ్యప్రదేశ్‌లో చనిపోయిన పిల్లల కేసులో “కోల్డ్రిఫ్” సిరప్ కారణమా?

ప్రపంచ ఆరోగ్య సంస్థ (WHO) భారతదేశంలో తయారైన మూడు విషపూరిత సిరప్స్‌పై అత్యవసర హెచ్చరిక జారీ చేసింది. వీటిలో “కోల్డ్రిఫ్” అనే కఫ్ సిరప్ మధ్యప్రదేశ్‌లో పిల్లల మరణాలకు కారణమైందని గుర్తించింది.WHO గుర్తించిన సిరప్స్‌లో కోల్డ్రిఫ్ (Sresan Pharmaceuticals), Respifresh TR (Rednex Pharmaceuticals) మరియు ReLife (Shape Pharma) ఉన్నాయి. వీటిలో ప్రమాదకరమైన రసాయన పదార్థాలు ఉండి ప్రాణాంతక వ్యాధులకు దారి తీసే ప్రమాదం ఉందని సంస్థ తెలిపింది.తమిళనాడులో తయారైన కోల్డ్రిఫ్ సిరప్‌లో డయిథిలీన్ గ్లైకాల్ (DEG) అనే రసాయనం 48% స్థాయిలో ఉన్నట్లు ల్యాబ్ టెస్టులు వెల్లడించాయి — ఇది అనుమతించిన 0.1% పరిమితిని దాటిపోయిన ప్రమాదకర స్థాయి. ఈ రసాయనం కిడ్నీ మరియు నర్వస్ సిస్టమ్‌పై తీవ్ర ప్రభావం చూపిస్తుంది, ముఖ్యంగా చిన్న పిల్లల్లో.

ఈ ఘటన తర్వాత Sresan Pharmaceuticals లైసెన్స్ రద్దు చేయబడింది, కంపెనీ యజమాని జి. రంగనాథన్ అరెస్టయ్యారు. తమిళనాడులోని ఇతర ఔషధ కంపెనీలను కూడా ప్రభుత్వం తనిఖీ చేయాలని ఆదేశించింది.ఇక కేంద్ర ప్రభుత్వం అన్ని రాష్ట్రాలకు కఫ్ సిరప్స్ పిల్లలకు ఇవ్వకూడదని, ముఖ్యంగా రెండు సంవత్సరాల లోపు పిల్లలకు పూర్తిగా నిషేధించాలని సూచించింది.

ఈ ఘటనతో భారత ఔషధ పరిశ్రమలో క్వాలిటీ కంట్రోల్‌పై కఠినమైన పర్యవేక్షణ అవసరమని వైద్య నిపుణులు హెచ్చరిస్తున్నారు.