గ్రీన్లాండ్ విషయంలోనూ ట్రంప్ టారిఫ్ అస్త్రం

గ్రీన్లాండ్‌ను స్వాధీనం చేసుకోవాలనే అంశంలో అమెరికా అధ్యక్షుడు డొనాల్డ్ ట్రంప్ మరోసారి టారిఫ్ అస్త్రాన్ని ప్రయోగించనున్నట్లు స్పష్టం చేశారు. ఈ విషయంలో అమెరికాకు మద్దతు ఇవ్వని దేశాలపై భారీ సుంకాలు విధిస్తానని ఆయన హెచ్చరించారు. అవసరమైతే ఆర్థిక ఒత్తిడి ద్వారా దేశాలను ఒప్పించే వ్యూహాన్ని అమలు చేస్తానని ట్రంప్ వ్యాఖ్యానించారు.

గతంలో యూరప్ దేశాలపై టారిఫ్ బెదిరింపులతో అనుకూలత సాధించిన విషయాన్ని ట్రంప్ గుర్తు చేశారు. అదే విధానాన్ని ఇప్పుడు గ్రీన్లాండ్ విషయంలోనూ అనుసరిస్తానని తెలిపారు. ఈ ప్రకటన అంతర్జాతీయ రాజకీయాల్లో కొత్త చర్చలకు దారితీస్తుండగా, అమెరికా వాణిజ్య విధానాలు మరింత దూకుడుగా మారనున్నాయన్న అభిప్రాయం వ్యక్తమవుతోంది.