తిరుమల : 3న శ్రీవారి ఆలయం మూసివేత

తిరుమల తిరుపతి దేవస్థానాలు (టీటీడీ) వచ్చే నెల 3 న చంద్రగ్రహణం సందర్భంగా తిరుమల శ్రీవారి ఆలయాన్ని మూసివేయనున్నట్లు ప్రకటించింది. టీటీడీ అదనపు ఈవో సీ హెచ్ వెంకయ్య చౌదరి సంప్రదాయాలను అనుసరించి ఈ నిర్ణయం తీసుకున్నట్లు తెలిపారు.

ఆ రోజు ఉదయం 9.00 గంటల నుంచి సాయంత్రం 7.30 గంటల వరకు ఆలయం మూసివేయబడుతుంది. మధ్యాహ్నం 3.20 గంటల నుంచి సాయంత్రం 6.47 గంటల వరకు చంద్రగ్రహణం సంభవించనున్నట్లు అధికారులు వెల్లడించారు. భక్తులు ఈ మార్పులను గమనించి తమ దర్శన కార్యక్రమాలను ప్రణాళిక చేసుకోవాలని సూచించారు.