TG: 2015 గ్రూప్‌-2 ర్యాంకర్లకు హైకోర్టులో ఊరట

2015 గ్రూప్‌-2 ర్యాంకర్లకు తెలంగాణ హైకోర్టు సీజే ధర్మాసనం పెద్ద ఉపశమనం కల్పించింది. ఇటీవల సింగిల్‌ బెంచ్‌ ఇచ్చిన నిర్ణయాన్ని ధర్మాసనం నిలిపివేస్తూ మధ్యంతర ఉత్తర్వులు జారీ చేసింది.

2015-16 లో నిర్వహించిన గ్రూప్‌-2 ఎంపిక ప్రక్రియను సింగిల్‌ బెంచ్‌ రద్దు చేస్తూ, జాబితాను చెల్లనిదిగా ప్రకటించిన విషయం తెలిసిందే. జవాబుపత్రాల్లో  వైట్నర్‌ ఉపయోగం, దిద్దుబాట్లను గుర్తించిన సింగిల్ బెంచ్‌ మూల్యాంకనం పట్ల అసంతృప్తి వ్యక్తం చేసింది.

ఈ తాజా పరిణామంలో, ర్యాంకర్ల వాదనలు పరిశీలించిన సీజే ధర్మాసనం, సింగిల్‌ బెంచ్‌ ఉత్తర్వులను తాత్కాలికంగా రద్దు చేస్తూ ర్యాంకర్లకు ఊరటనిచ్చింది. ఈ ఉత్తర్వులతో ఎంపికైన అభ్యర్థులపై ఉన్న అనిశ్చితి కొంతవరకు తగ్గినట్లు భావిస్తున్నారు.