పగిడిద్ద రాజు ఆలయంలో ప్రత్యేక పూజలు నిర్వహించిన మంత్రి సీతక్క

మహబూబాబాద్ జిల్లా గంగారం మండలం పూనుగుండ్లలోని పగిడిద్ద రాజు ఆలయంలో రాష్ట్ర మంత్రి దనసరి అనసూయ సీతక్క ప్రత్యేక పూజలు నిర్వహించారు. ఇవాళ మేడారం వైపు బయలుదేరనున్న పగిడిద్ద రాజు, రేపు సాయంత్రం సారలమ్మ గద్దెలకు చేరుకుని అక్కడ కొలువుదీరనున్నారు. ఈ సందర్భంగా ఆలయంలో భక్తిశ్రద్ధలతో సంప్రదాయ పూజా కార్యక్రమాలు ఘనంగా నిర్వహించబడ్డాయి.

ఆదివాసీ సంప్రదాయాల ప్రకారం జరిగిన ఈ ప్రత్యేక పూజల్లో మంత్రి సీతక్క పాల్గొని, డోలు–సన్నాయి వాయిద్యాల నడుమ మహిళలతో కలిసి నృత్యం చేశారు. ఈ కార్యక్రమంలో మేడారం ట్రస్ట్ బోర్డు చైర్మన్, పూజారులు తదితర ప్రముఖులు పాల్గొని కార్యక్రమాన్ని విజయవంతంగా నిర్వహించారు.