మావోయిస్టు పార్టీ పొలిట్ బ్యూరో 2024 లేఖ లో సంచలన విషయాలు

మావోయిస్టుల కుప్పకూలడానికి కారణాలు

మావోయిస్టుల కుప్పకూలే కారణం పై 2024 లో చేసిన పొలిట్ బ్యూరో సమావేశ డాక్యుమెంట్ ద్వారా కొన్ని కీలక విషయాలు వెలుగులోకి వచ్చాయి. 2024 ఆగస్టు నెలలో ఈ డాక్యుమెంట్‌ను దేశవ్యాప్తంగా ఉన్న అన్ని కమిటీలకు పంపారు. ఇందులో క్యాడర్లకు “ఆయుధాలు వదిలేసి ప్రజల్లోకి వెళ్ళండి” అనే సూచన కూడా ఉంది. గత మూడు సంవత్సరాలుగా వివిధ ఎన్కౌంటర్లలో 683 మంది మావోయిస్టులు చనిపోయారు. వీళ్లలో 190 మంది మహిళలు ఉన్నారు. ఈ కాలంలో 669 ఆపరేషన్లు జరిగాయి. 261 మంది పోలీసుల మృతి చెందగా, 516 మంది గాయపడ్డారు. అలాగే, 25కి పైగా ఆయుధాలను స్వాధీనం చేసుకున్నారు. 2019 లో పార్టీ వారోత్సవంలో కీలక నిర్ణయాలు తీసుకున్నారు. మారుతున్న పరిస్థితులకు అనుగుణంగా పార్టీ క్యాడర్లను బలోపేతం చేయాలని అనేక మార్పులు సూచించారు. అయితే 2021 నుండి పార్టీ కీలక నేతలను కోల్పోయింది. వీళ్లలో నలుగురు కేంద్ర కమిటీ సభ్యులు—లక్ము, అంబీర్, సాకేత్, ఆనంద్ అనారోగ్య కారణంగా చనిపోయారు.

తర్వాత కొంతమంది పోలీసుల ఎన్కౌంటర్లలో చనిపోయారు, మరికొందరు అరెస్టు అయ్యారు. ఈ పరిస్థితుల వల్ల నార్త్ మరియు సౌత్ ప్రాంతాల్లో కేంద్ర కమిటీ ప్రత్యక్ష దృష్టి పెట్టలేకపోయింది. ఈస్ట్ మరియు సెంట్రల్ రీజన్స్ కమిటీల మధ్య సమన్వయం లేకపోవడం వల్ల పార్టీ బలహీనపడింది. బలగాల చర్యలను తిప్పి కొట్టడంలో కేంద్ర కమిటీ మరియు స్టేట్/జోనల్ కమిటీలు విఫలమయ్యాయి. 2020 లో నిర్వహించిన పొలిట్ బ్యూరో సమావేశంలోనే పార్టీ కోలుకోవడానికి చాలా సమయం పడుతుందని ఊహించాము. గత మూడు సంవత్సరాలుగా పార్టీ బలహీనపడింది. మాస్ బేస్ ఆకర్షణలో వర్గ పోరాటాన్ని తీవ్రతరం చేయడం లోపించిందని, దేశాన్ని 7 ఏరియాలుగా విభజించామని డాక్యుమెంట్ లో పేర్కొన్నారు. పార్టీలో గోప్యత లోపించింది.

2012 లో ఇలాగే సెట్‌ బ్యాక్స్ ఎదురవ్వగా, 2013 లో దాన్ని రెక్టిఫై చేసుకున్నాం. మాస్ పీపుల్ కు దగ్గరగా వెళ్లడం విఫలమైంది. పార్టీ రిక్రూట్మెంట్ నిరంతరం కొనసాగించాలి. ప్రతి చర్యపై సోషల్ ఇన్వెస్టిగేషన్ జరగాలి. మాస్ ఆర్గనైజేషన్లో పట్టు ఉన్నప్పుడు మాత్రమే పార్టీ కోలుకోగలుగుతుంది. పార్టీ సభ్యులను మూడు జనరేషన్లలో ఏర్పాటు చేయడం కీలకం. ఒక సీనియర్, మధ్య వయసు గల వ్యక్తి, ఒక జూనియర్ కలిపి కమిటీలలో సభ్యులను పెట్టాలి. కొత్తగా మాస్ ఆర్గనైజేషన్లు ఏర్పాటుచేసుకోవడం ద్వారా మాత్రమే పార్టీ నిలబడుతుంది. మారుతున్న పరిస్థితులను గ్రౌండ్ లెవెల్లో సర్వేలు నిర్వహించి తెలుసుకోవాలి. ప్లేస్ లు కూడా తరచుగా మారుతూ ఉండాలి, ఒకే చోట నిలకడగా ఉండకూడదు.

ఈ విధంగా, 2024 పొలిట్ బ్యూరో డాక్యుమెంట్ ద్వారా మావోయిస్టుల పార్టీ లోపాలు, ప్రతికూల పరిణామాలు, భవిష్యత్ వ్యూహాలు స్పష్టంగా వెలుగులోకి వచ్చాయి.