రాయలసీమ జిల్లాలకు పిడుగుపాటు హెచ్చరిక

రాయలసీమ జిల్లాలకు పిడుగుపాటు హెచ్చరిక జారీ చేయబడింది. రాగల మూడు గంటల్లో నంద్యాల, అనంతపురం, శ్రీ సత్యసాయి, వైఎస్సార్ కడప, అన్నమయ్య, చిత్తూరు జిల్లాల్లో అక్కడక్కడ పిడుగులతో కూడిన మోస్తరు వర్షాలు కురిసే అవకాశం ఉందని అధికారులు తెలిపారు.

50–60 కి.మీ వేగంతో బలమైన ఈదురు గాలులు వీచే అవకాశం ఉందని హెచ్చరించారు. చెట్లు, విద్యుత్ స్తంభాలు, హోర్డింగ్స్ కింద నిలబడరాదని ప్రజలకు సూచించారు. రాష్ట్ర విపత్తుల నిర్వహణ సంస్థ ఎండీ ప్రకర్ జైన్ ప్రజలు అప్రమత్తంగా ఉండాలని సూచించారు.