తెలంగాణ మంత్రులు,ఎమ్మెల్యే ల వేతనాల్లో కోత ?

తెలంగాణ ముఖ్యమంత్రి ఏ. రేవంత్ రెడ్డి అధ్యక్షతన జరిగిన క్యాబినెట్ సమావేశంలో కీలక నిర్ణయం తీసుకున్నారు. రాష్ట్రంలోని అన్ని మంత్రులు తాత్కాలికంగా తమ వేతనాల్లో 50 శాతం కోతకు అంగీకరించారు. ఈ నిర్ణయం ద్వారా పదవీ విరమణ చేసిన ప్రభుత్వ ఉద్యోగుల పెండింగ్ బకాయిలను తీర్చడమే లక్ష్యంగా ప్రభుత్వం ముందుకు సాగుతోంది.

అధికారుల ప్రకారం, పెన్షన్, గ్రాచ్యుటీ వంటి చెల్లింపులను 100 రోజుల్లో పూర్తి చేయాలని ప్రభుత్వం లక్ష్యంగా పెట్టుకుంది. దీని ద్వారా దీర్ఘకాలంగా ఎదురుచూస్తున్న రిటైర్డ్ ఉద్యోగులకు ఉపశమనం కల్పించడమే కాకుండా, ఆర్థిక ఒత్తిడిని తగ్గించే దిశగా ఇది ఒక ముఖ్యమైన అడుగుగా భావిస్తున్నారు.