అభిషేక్ శర్మ చేయి లాగిన లేడీ ఫ్యాన్...

ఐపీఎల్ 2026లో సన్‌రైజర్స్ హైదరాబాద్ జట్టు అద్భుత ఫామ్‌లో కొనసాగుతోంది. వరుసగా నాలుగు విజయాలు సాధించిన ఈ జట్టు, మొత్తం ఎనిమిది మ్యాచ్‌లలో ఐదు గెలిచి పాయింట్ల పట్టికలో మూడో స్థానంలో నిలిచింది. శనివారం రాజస్థాన్ రాయల్స్‌పై ఐదు వికెట్ల తేడాతో ఘన విజయం సాధించింది. అయితే మ్యాచ్ అనంతరం టీమ్ హోటల్ వద్ద చోటుచేసుకున్న ఘటన సోషల్ మీడియాలో వైరల్‌గా మారింది.

వైరల్ వీడియోల ప్రకారం, ఆటగాళ్లు హోటల్‌కు చేరుకుంటున్న సమయంలో ఓ మహిళా అభిమాని భద్రతను దాటి అభిషేక్ శర్మ దగ్గరకు వెళ్లింది. ఉత్సాహంతో అతని చేయిని బలవంతంగా పట్టుకుని లాగింది. ఈ ఘటనతో అభిషేక్ ఒక్కసారిగా ఆశ్చర్యానికి గురై, అసౌకర్యంగా భావిస్తూ అక్కడి నుంచి దూరమయ్యాడు. భద్రతా సిబ్బంది ఉన్నప్పటికీ ఈ సంఘటన జరగడంతో ఆటగాళ్ల భద్రతపై ప్రశ్నలు తలెత్తుతున్నాయి.