ట్రైనింగ్స్ పేరుతో మోసం...హైదరాబాద్‌లో ముగ్గురు అరెస్ట్

హైదరాబాద్ లో భారీ మల్టీలెవల్ మోసం వెలుగులోకి వచ్చింది. “ఫరెవర్ లివింగ్” పేరుతో నిందితులు ట్రైనింగ్స్, ఆన్‌లైన్ తరగతుల పేరుతో నిరుద్యోగుల నుంచి ఒక్కొక్కరికి 249 రూపాయలు వసూలు చేసి కోట్ల రూపాయలు కాజేశారు.

ఈ కేసులో హర్యానాకు చెందిన హరీష్ కుమార్ సహా ముగ్గురిని పోలీసులు అరెస్ట్ చేశారు. మీర్‌చౌక్ పోలీస్ స్టేషన్లో కేసు నమోదు చేయగా, తెలంగాణ వ్యాప్తంగా పలు పోలీస్ స్టేషన్‌లలో కూడా నిందితులపై కేసులు నమోదయ్యాయి. వారి ఖాతాల్లో ఉన్న సుమారు 3 కోట్ల రూపాయలను అధికారులు నిలిపివేశారు.