బాబాసాహెబ్ అంబేద్కర్ కు ప్రధాని మోదీ నివాళులు

డాక్టర్ భీమ్ రావ్ రాంజీ అంబేద్కర్ 135వ జయంతి సందర్భంగా ప్రధాని నరేంద్ర మోదీ ఆయనకు ఘన నివాళులు అర్పించారు. దేశ నిర్మాణంలో అంబేద్కర్ చేసిన సేవలు ఎంతో స్ఫూర్తిదాయకమని కొనియాడారు. న్యాయబద్ధమైన, ప్రగతిశీల సమాజ నిర్మాణానికి బాబాసాహెబ్ జీవితం, కృషి తరతరాలకు మార్గదర్శకంగా నిలుస్తున్నాయని తెలిపారు.

ఈ సందర్భంగా ప్రధాని నరేంద్ర మోదీ సామాజిక మాధ్యమం ద్వారా స్పందిస్తూ, అంబేద్కర్ జయంతి సందర్భంగా ఆయనకు వినమ్ర నివాళులు తెలిపారు. దేశ అభివృద్ధి దిశగా ఆయన చేసిన కృషి అపారమని, సమానత్వం మరియు న్యాయం కోసం ఆయన చూపిన మార్గం ఎల్లప్పుడూ స్ఫూర్తినిస్తుందని పేర్కొన్నారు.