లోక్‌సభలో విపక్ష ఎంపీల ఆందోళన.. 8 మందికి సస్పెన్షన్!

లోక్‌సభలో మంగళవారం విపక్ష సభ్యుల ఆందోళన తీవ్ర ఉద్రిక్తతకు దారితీసింది. స్పీకర్ ముందు ఉన్న టేబుల్‌పైకి ఎక్కి కొందరు ఎంపీలు నిరసన చేపట్టగా, ప్యానెల్ స్పీకర్ వైపు పేపర్లు విసరడంతో సభలో రచ్చ చోటుచేసుకుంది. ఈ ఘటనతో సభా కార్యకలాపాలు పలుమార్లు నిలిచిపోయాయి.

అశాంతి సృష్టించినందుకు గాను విపక్షానికి చెందిన 8 మంది ఎంపీలను ప్రస్తుత సెషన్ ముగిసే వరకు లోక్‌సభ సస్పెండ్ చేసింది. సస్పెండ్ అయిన వారిలో తెలంగాణకు చెందిన ఎంపీ చామల కిరణ్ కుమార్ రెడ్డి కూడా ఉన్నారు. విపక్ష చర్యలను అధికార పక్షం తీవ్రంగా తప్పుబట్టింది.