ఏపీలో త్వరలో కొత్త చట్టం!

ఆంధ్రప్రదేశ్‌లో త్వరలో కొత్త చట్టం అమల్లోకి వచ్చే అవకాశం ఉంది. 13 ఏళ్లలోపు పిల్లలు సోషల్ మీడియా వాడకుండా నిరోధించేందుకు ప్రభుత్వం చర్యలు తీసుకుంటోంది. చిన్నారులను ఆన్‌లైన్ ప్రభావాల నుంచి రక్షించడమే ఈ నిర్ణయం వెనుక ప్రధాన ఉద్దేశం.

చిన్న వయసులో సోషల్ మీడియా వినియోగాన్ని తగ్గించడం వల్ల పిల్లల మానసిక ఆరోగ్యం, చదువుపై దృష్టి మరియు వ్యక్తిత్వ అభివృద్ధికి ఉపయోగపడుతుందని అధికారులు భావిస్తున్నారు. ఈ చట్టంలో కఠిన నిబంధనలు ఉండే అవకాశముంది.

ఇప్పటికే ఆస్ట్రేలియా, సింగపూర్ వంటి దేశాల్లో 16 ఏళ్లలోపు పిల్లలకు సోషల్ మీడియా వినియోగంపై నిషేధం అమల్లో ఉంది. అదే తరహాలో ఇప్పుడు ఆంధ్రప్రదేశ్ ప్రభుత్వం కూడా ఇలాంటి చర్యలు తీసుకోవడానికి సిద్ధమవుతోంది.