జస్టిస్ యశ్వంత్ వర్మ రాజీనామా

యశ్వంత్ వర్మ ఈరోజు అలహాబాద్ హైకోర్టు న్యాయమూర్తి పదవికి రాజీనామా చేశారు. తన రాజీనామా లేఖను భారత రాష్ట్రపతి ద్రౌపది ముర్ముకు పంపించారు. గత సంవత్సరం ఢిల్లీలోని ఆయన నివాసంలో అగ్నిప్రమాదం సమయంలో పెద్ద మొత్తంలో నగదు కట్టలు బయటపడిన ఘటన దేశవ్యాప్తంగా తీవ్ర వివాదానికి దారి తీసింది.

ఈ ఘటనపై దేశమంతటా తీవ్ర ఆగ్రహం వ్యక్తమైంది. సుప్రీంకోర్టు నిర్వహించిన అంతర్గత విచారణలో జస్టిస్ వర్మపై ఆరోపణలు నిజమని తేలినట్లు సమాచారం. ఈ వివాదం నేపథ్యంలో ఆయనను ఢిల్లీ నుంచి అలహాబాద్ హైకోర్టుకు బదిలీ చేశారు. పార్లమెంటులో అభిశంసన ప్రక్రియ ప్రారంభమయ్యే అవకాశాల మధ్య ఆయన తీసుకున్న ఈ రాజీనామా నిర్ణయం న్యాయవ్యవస్థలో పెద్ద చర్చకు దారి తీసింది.