మార్కాపురం ప్రమాదంపై ప్రధాని మోదీ సంతాపం..

ఆంధ్రప్రదేశ్‌లోని మార్కాపురం సమీపంలో జరిగిన ప్రమాదం అత్యంత విషాదకరమని ప్రధాని నరేంద్ర మోదీ పేర్కొన్నారు. ఈ క్లిష్ట సమయంలో బాధితులకు, వారి కుటుంబాలకు తన ప్రగాఢ సానుభూతిని తెలియజేస్తూ, గాయపడిన వారు త్వరగా కోలుకోవాలని ప్రార్థించారు.

ఈ ప్రమాదంలో మరణించిన వారి కుటుంబాలకు ప్రధానమంత్రి జాతీయ ఉపశమన నిధి (PMNRF) నుంచి రూ.2 లక్షలు, గాయపడిన వారికి రూ.50,000 ఎక్స్‌గ్రేషియా అందజేస్తామని ప్రకటించారు. ఈ విషయాన్ని ప్రధానమంత్రి కార్యాలయం (PMO) తమ అధికారిక ‘ఎక్స్’ ఖాతా ద్వారా వెల్లడించింది.