గల్ఫ్‌ దేశాలకు ఇరాన్‌ మరోసారి హెచ్చరికలు

గల్ఫ్ దేశాల్లో ఉద్రిక్తతలు ఇంకా పెరుగుతున్నాయి. ఇరాన్ మరోసారి గట్టి హెచ్చరికలు ఇచ్చింది. ఇరాన్‌కు చెందిన మిలిటరీ అధికారి జనరల్ షెకార్చి గల్ఫ్ ప్రాంతంలోని పర్యాటక కేంద్రాలను టార్గెట్ చేయవచ్చని తెలిపారు. పార్కులు, ఎంటర్‌టైన్‌మెంట్ సెంటర్లు, టూరిస్ట్ ప్రాంతాలపై దాడులు జరిగే అవకాశం ఉందని హెచ్చరించారు. ఈ హెచ్చరికలతో ఆ ప్రాంతంలోని టూరిజం రంగంపై ఆందోళనలు పెరిగాయి.

మధ్యప్రాచ్యంలో ఇప్పటికే ఉద్రిక్త పరిస్థితులు కొనసాగుతున్న సమయంలో ఈ వ్యాఖ్యలు మరింత టెన్షన్ కలిగిస్తున్నాయి. ఇజ్రాయెల్‌లోని నివాస ప్రాంతాలపై కూడా దాడులు జరిగే అవకాశం ఉందని సమాచారం. ఈ పరిస్థితులు ప్రాంతీయ శాంతి, భద్రతలకు ముప్పుగా మారవచ్చని నిపుణులు భావిస్తున్నారు.