అమరావతిపై కుట్రలు చేస్తే కఠిన చర్యలు - అనిత వార్నింగ్

వంగలపూడి అనిత అమరావతిపై ఎలాంటి కుట్రలు జరిగినా సహించబోమని హెచ్చరించారు. అమరావతిలో వరుసగా ఒకే విధంగా జరుగుతున్న అగ్ని ప్రమాదాలపై సమగ్ర దర్యాప్తు ఆదేశించారు. రాయపూడి సమీపంలో ఉన్న అధికారుల నివాసాల వద్ద అర్ధరాత్రి జరిగిన భారీ అగ్ని ప్రమాదాన్ని అగ్నిమాపక సిబ్బంది తీవ్ర శ్రమతో అదుపులోకి తెచ్చినట్లు తెలిపారు.

ఇటీవల జరిగిన సంఘటనలు ఉద్దేశపూర్వకంగా జరిగి ఉండవచ్చని మంత్రి అనిత అనుమానం వ్యక్తం చేశారు. ఇటీవల వర్షాలు కురిసిన పరిస్థితుల్లో ఇలాంటి ఘటనలు జరగడం అనుమానాలకు తావిస్తోందన్నారు. అనకాపల్లి జిల్లాలో జరిగిన ఉక్కు పరిశ్రమ కార్యక్రమం తరువాత ఈ ఘటనలు జరిగాయా అనే సందేహం కూడా వ్యక్తం చేశారు. ఈ ఘటనలపై పోలీసు శాఖ అన్ని కోణాల్లో దర్యాప్తు కొనసాగిస్తోంది.