11 ఏళ్ల క్రితం ఫ్లైట్ మిస్సింగ్, ఎవి యేషన్ చరిత్ర లో మిస్టరి

దక్షిణాసియా ఆకాశంలో ఆచూకీ లేకుండా అదృశ్యమైన మలేషియా ఎయిర్‌లైన్స్ విమానం MH-370 కేసు మరోసారి హాట్‌టాపిక్ అవుతోంది. దాదాపు 11 ఏళ్ల తరువాత ఈ మిస్టరీ విమానం కోసం కొత్త వెతుకులాట ప్రారంభించనున్నట్లు మలేషియా అధికార వర్గాలు సూచిస్తున్నాయి.

2014 మార్చి 8న కౌలాలంపూర్ నుంచి బీజింగ్‌కు బయలుదేరిన MH-370లో మొత్తం 239 మంది ప్రయాణికులు ఉన్నారు. గాల్లోకి ఎగిరిన 40 నిమిషాలకే రాడార్‌ నుంచి అదృశ్యమైపోయింది. ఇది ఏవియేషన్ చరిత్రలోనే అతి పెద్ద విమాన రహస్యంగా నిలిచిపోయింది.

ఈ విమానం హిందూ మహాసముద్రంలో కూలిపోయి ఉండొచ్చని భావించినా, ఇప్పటివరకు 50కు పైగా దేశాలు, 60కి పైగా ఓడలతో జరిగిన వెతుకులాటల్లో కూడా ఖచ్చితమైన ఆధారాలు దొరకలేదు.

తాజాగా, US ఆధారిత ఓషన్ ఇన్ఫినిటీ సంస్థ కొత్త ఆధునిక టెక్నాలజీతో మరొకసారి శోధన ప్రారంభించేందుకు సిద్ధమవుతోంది. మార్చి 30న మలేషియా ప్రభుత్వం ఈ ప్రతిపాదనను పరిశీలిస్తున్నట్లు అధికారికంగా ప్రకటించింది.

“ఈసారి కీలక ఆధారాలు లభించే అవకాశముంది” అని మలేషియా ప్రభుత్వం ఆశాభావం వ్యక్తం చేసింది. ప్రపంచవ్యాప్తంగా ఉన్న ప్రయాణికుల కుటుంబాలు కూడా కొత్త వెతుకులాటపై ఆశలు పెట్టుకున్నాయి.