PNG ఉన్నవారికి LPG సరఫరాపై పరిమితులు!

పశ్చిమాసియాలో కొనసాగుతున్న యుద్ధ ప్రభావంతో గ్యాస్ కొరతపై ఆందోళనలు నెలకొన్న నేపథ్యంలో కేంద్ర ప్రభుత్వం కీలక నిర్ణయం తీసుకుంది. పైప్డ్ న్యాచురల్ గ్యాస్ (PNG) కనెక్షన్ ఉన్నప్పటికీ వాటిని వినియోగించని కుటుంబాలకు ఎల్పీజీ సరఫరాను పరిమితం చేయాలని నిర్ణయించింది.

ఈ నిర్ణయం ద్వారా అందుబాటులో ఉన్న గ్యాస్ వనరులను సమర్థంగా వినియోగించుకోవడం, ఎల్పీజీపై అనవసర ఒత్తిడిని తగ్గించడం లక్ష్యంగా పెట్టుకుంది. వినియోగదారులు తమకు ఉన్న PNG కనెక్షన్లను ఉపయోగించాలని ప్రభుత్వం సూచిస్తోంది. ప్రస్తుత పరిస్థితుల్లో డిమాండ్‌ను సమర్థంగా నిర్వహించేందుకు ఈ చర్యలు తీసుకుంటున్నట్లు అధికారులు తెలిపారు.