ఆర్ సి బి వేలం పై స్పందించిన విజయ్ మాల్యా!

ఐపీఎల్‌ 2026 ప్రారంభానికి ముందు రాయల్ ఛాలెంజర్స్ బెంగళూరు (RCB) రూ.16,500 కోట్ల భారీ మొత్తానికి అమ్ముడవడం సంచలనంగా మారింది. ఈ సందర్భంగా మాజీ యజమాని Vijay Mallya స్పందిస్తూ, 2008లో తాను ఈ జట్టును రూ.450 కోట్లకు కొనుగోలు చేశానని గుర్తు చేసుకున్నారు. అప్పట్లో చాలా మంది తన నిర్ణయాన్ని విమర్శించారని, అయితే ఇప్పుడు అదే పెట్టుబడి దాదాపు 37 రెట్లు పెరగడం ఎంతో ఆనందాన్ని కలిగించిందని చెప్పారు.

కొత్త యజమానులకు శుభాకాంక్షలు తెలిపిన మాల్యా, ఆర్‌సీబీ తన డీఎన్‌ఏలో ఎప్పటికీ భాగంగా ఉంటుందని పేర్కొన్నారు. అలాగే ప్రపంచంలోనే అగ్రశ్రేణి ఆటగాళ్లలో ఒకరైన Virat Kohli ఎంపిక కూడా తన కాలంలో జరిగినదని చెప్పారు. ఇక జట్టు పేరు మారుతుందా అనే సందేహాలకు సమాధానంగా Ananya Birla స్పష్టత ఇచ్చారు. ఆర్‌సీబీ పేరు అలాగే కొనసాగుతుందని చెప్పడంతో అభిమానుల్లో ఆనందం వ్యక్తమవుతోంది.