పవన్ కల్యాణ్ తో సినిమా పై దేవ కట్టా క్లారిటీ!

దర్శకుడుదేవ కట్టా మరియు నటుడు పవన్ కల్యాణ్ కలిసి సినిమా చేయబోతున్నారన్న వార్తలు ఇటీవల సోషల్ మీడియాలో వైరల్ అవుతున్నాయి. ఈ నేపథ్యంలోదేవ కట్టా స్పందిస్తూ, ఈ ప్రచారం ఎలా మొదలైందో తెలియదని స్పష్టం చేశారు. పవన్ కల్యాణ్‌తో పని చేయడం తన కల అని పేర్కొన్న ఆయన, ప్రస్తుతం ఎలాంటి సినిమా ప్రాజెక్ట్ ఫైనల్ కాలేదని తెలిపారు. ఇదే విషయాన్ని ముందుగా పవన్ కళ్యాణ్ క్రియేటివ్ వర్క్స్ సంస్థ కూడా ధృవీకరించింది.

తన దర్శకత్వంలో వచ్చిన రిపబ్లిక్ సినిమా ఆలోచన కూడా మొదట పవన్ కల్యాణ్‌ను దృష్టిలో పెట్టుకుని వచ్చిందని దేవ కట్టా వెల్లడించారు. భవిష్యత్తులో ఇద్దరికీ నచ్చే కథ దొరికితే తప్పకుండా కలిసి పని చేస్తామని చెప్పారు. ప్రస్తుతం రాజకీయేతర కథపై ప్రతిభావంతులైన టీంతో కలిసి పని చేస్తున్నానని, పూర్తిగా కొత్త ఆలోచనలను అన్వేషిస్తున్నానని తెలిపారు. త్వరలోనే పూర్తి వివరాలు వెల్లడిస్తానని అన్నారు.