మూడు రోజుల పాటు శ్రీ‌వాణి ఆఫ్ లైన్ (Offline) టికెట్ల‌ జారీ ర‌ద్దు!

తిరుమలలో నెలకొన్న అనూహ్య రద్దీ కారణంగా, డిసెంబర్ 27, 28, 29 తేదీలకు (శని, ఆది, సోమవారం) సంబంధించి శ్రీవాణి ఆఫ్‌లైన్ దర్శన టికెట్ల జారీని టీటీడీ రద్దు చేసింది. మూడు రోజుల పాటు ఈ ఆఫ్‌లైన్ టికెట్లు అందుబాటులో ఉండవని టీటీడీ స్పష్టం చేసింది. 

ఈ మేరకు తిరుమలలోని శ్రీవాణి దర్శన టికెట్ కౌంటర్లలోను, తిరుపతిలోని రేణిగుంట విమానాశ్రయంలోను శ్రీవాణి ఆఫ్‌లైన్ టికెట్లు జారీ చేయబడవు. ఈ విషయాన్ని గమనించి భక్తులు తమ దర్శన ప్రణాళికలను ముందుగానే సరిచేసుకోవాలని టీటీడీ విజ్ఞప్తి చేసింది.