‘జెట్లీ’తో ఎంటర్‌టైన్ చేయనున్న సత్య.. రిలీజ్ డేట్ అనౌన్స్

మైత్రి మూవీ మేకర్స్ సమర్పణలో, క్లాప్ ఎంటర్‌టైన్‌మెంట్ బ్యానర్‌పై రూపొందుతున్న వినోదాత్మక చిత్రం ‘జెట్లీ’ వచ్చే నెల 1న ప్రపంచవ్యాప్తంగా గ్రాండ్‌గా విడుదల కానుంది. టాలీవుడ్ ప్రేక్షకులకు ఇష్టమైన కాంబినేషన్ సత్య మరియు దర్శకుడు రితేష్ రానా ఈ సినిమాతో మరోసారి అలరించేందుకు సిద్ధమయ్యారు. చిరంజీవి (చెర్రీ), హేమలత పెద్దామల్లు ఈ చిత్రాన్ని నిర్మిస్తున్నారు. మిస్ యూనివర్స్ ఇండియా రియా సింఘా ఈ సినిమాతో తెలుగు చిత్రసీమలో కథానాయికగా అరంగేట్రం చేస్తున్నారు.

ఇప్పటికే విడుదలైన ఫస్ట్ లుక్ పోస్టర్లు, ఫన్ గ్లింప్స్‌, అలాగే ‘సత్య ఈజ్ నాట్ జెట్లీ’ ప్రమోషనల్ సాంగ్‌కు ప్రేక్షకుల నుంచి అద్భుతమైన స్పందన లభించింది. తాజాగా విడుదల చేసిన రిలీజ్ డేట్ పోస్టర్‌లో యాక్షన్ బ్యాక్‌డ్రాప్‌లో సత్య, వెన్నెల కిశోర్ డైనమిక్‌గా కనిపిస్తూ ఆకట్టుకున్నారు. ఈ చిత్రానికి కాల భైరవ సంగీతం అందిస్తుండగా, సురేష్ సారంగం సినిమాటోగ్రఫీ, కార్తీక శ్రీనివాస్ ఎడిటింగ్, నార్ణి శ్రీనివాస్ ప్రొడక్షన్ డిజైన్ బాధ్యతలు నిర్వహిస్తున్నారు.