భారత భూభాగానికి చైనా కొత్త పేర్లు..అంగీకరించబోమన్న భారత్

భారత భూభాగంలోని ప్రాంతాలకు చైనా కొత్త పేర్లు పెట్టడాన్ని భారత్ తీవ్రంగా ఖండించింది. భారతదేశానికి చెందిన ప్రాంతాలకు కల్పిత పేర్లు ఇవ్వడం వంటి చర్యలను ఎట్టి పరిస్థితుల్లోనూ అంగీకరించబోమని విదేశాంగ శాఖ స్పష్టం చేసింది. ఈ చర్యలు సార్వభౌమత్వాన్ని దెబ్బతీసే ప్రయత్నంగా భావిస్తున్నామని భారత్ పేర్కొంది.

ఇలాంటి చర్యలు పూర్తిగా అనాలోచితమైనవని భారత్ తేల్చి చెప్పింది. చైనా చేస్తున్న ఈ విధమైన మార్పులు వాస్తవ పరిస్థితులను మార్చలేవని, భారత భూభాగంపై తమ హక్కు యథాతథంగా కొనసాగుతుందని విదేశాంగ శాఖ వెల్లడించింది.