అమీర్‌ పేట్ మైత్రివనం సమీపంలోని నీలగిరి బ్లాక్ భవనంలో అగ్నిప్రమాదం

అమీర్‌పేట్ మైత్రివనం సమీపంలోని నీలగిరి బ్లాక్ భవనంలో అగ్నిప్రమాదం సంభవించి కలకలం రేపింది. దట్టమైన పొగలు వ్యాపించడంతో భవనంలో ఉన్న ప్రజలు భయంతో బయటకు పరుగులు తీశారు. నాలుగో అంతస్తులోని ఒక ఇన్‌స్టిట్యూట్‌లో విద్యార్థులు చిక్కుకుపోయినట్లు సమాచారం అందడంతో పోలీసులు, అగ్నిమాపక సిబ్బంది వెంటనే సహాయక చర్యలు ప్రారంభించారు. పై అంతస్తులో చిక్కుకున్న వారిని బాల్కనీ మార్గంగా బయటకు తీసేందుకు అధికారులు తీవ్రంగా శ్రమించారు.

తదనంతరం అమీర్‌పేట్ నీలగిరి బ్లాక్‌లో జరిగిన అగ్నిప్రమాదాన్ని అధికారులు పూర్తిగా అదుపులోకి తీసుకొచ్చారు. ఘటన స్థలాన్ని హైడ్రా కమిషనర్ రంగనాథ్ పరిశీలించి పరిస్థితిని సమీక్షించారు. అగ్ని ప్రమాదానికి కారణాలపై దర్యాప్తు కొనసాగుతుండగా, అప్రమత్తంగా వ్యవహరించిన అత్యవసర బృందాల వల్ల పెద్ద ప్రమాదం తప్పిందని అధికారులు తెలిపారు.