యూఏఈ నుంచి మొదలైన భారతీయుల తరలింపు

యూఏఈ నుంచి భారతీయుల తరలింపు ప్రక్రియ ప్రారంభమైంది. అబుదాబి నుంచి బయలుదేరిన ఎతిహాద్ ఎయిర్‌వేస్ విమానం సుమారు 300 మంది ప్రయాణికులతో ఢిల్లీకి సురక్షితంగా చేరింది. ఇప్పటివరకు నాలుగు విమానాలు చేరుకున్నాయని అధికారులు తెలిపారు. ప్రాంతీయ ఉద్రిక్తతల కారణంగా నిలిచిపోయిన విమాన సేవలు మళ్లీ ప్రారంభం కావడంతో ప్రయాణికులకు ఊరట లభించింది.

ముంబై, బెంగళూరు, కొచ్చి నగరాలకు కూడా విమానాలు దిగాయి. ఇరాన్‌కు సంబంధించిన భద్రతా పరిస్థితుల నేపథ్యంలో మూడు రోజుల పాటు నిలిపివేసిన విమాన సర్వీసులు తిరిగి ప్రారంభమైనట్లు విమానయాన అధికారులు వెల్లడించారు. భారతీయులను స్వదేశానికి రప్పించే ప్రక్రియ రాబోయే రోజుల్లో మరింత వేగం పుంజుకునే అవకాశం ఉంది.