విజయవాడలో ‘పెద్ది’ ప్రీ రిలీజ్ ఈవెంట్ వద్ద గందరగోళం

విజయవాడలో నిర్వహించిన ‘పెద్ది’ సినిమా ప్రీ రిలీజ్ ఈవెంట్ వద్ద ఉద్రిక్త పరిస్థితులు నెలకొన్నాయి. చెల్లుబాటు అయ్యే పాస్‌లు ఉన్నప్పటికీ తమను లోపలికి అనుమతించలేదని పలువురు అభిమానులు ఆరోపించారు. ఈ కార్యక్రమాన్ని వీక్షించేందుకు భారీ సంఖ్యలో అభిమానులు ముందుగానే వేదిక వద్దకు చేరుకున్నారు.

స్టేడియం సామర్థ్యం పూర్తిగా నిండిపోయిందని చెబుతూ పోలీసులు సాయంత్రం 5:30 గంటలకే ప్రవేశ ద్వారాలను మూసివేసినట్లు సమాచారం. తిరుపతి, నెల్లూరు తదితర జిల్లాల నుంచి సెలబ్రిటీ పాస్‌లతో వచ్చిన అభిమానులు తీవ్ర అసంతృప్తి వ్యక్తం చేశారు. పాస్‌లు ఇచ్చి ఎందుకు అనుమతించడం లేదంటూ అభిమానులు అధికారులతో వాగ్వాదానికి దిగారు.