ఫ్యూచర్ సిటీ రోడ్డు కి రతన్ టాటా పేరు - సీఎం రేవంత్ రెడ్డి నిర్ణయం!

తెలంగాణ రైజింగ్ గ్లోబల్ సమ్మిట్ సందర్భంగా ముఖ్యమంత్రి రేవంత్ రెడ్డి వినూత్న ప్రతిపాదనను ముందుకు తీసుకొచ్చారు. ఇప్పటికే హైదరాబాద్ అంతర్జాతీయ గుర్తింపు సాధించిందని, ఇక గ్లోబల్ మ్యాప్‌లో మరింత ప్రాధాన్యం పొందేలా నగరాన్ని అభివృద్ధి చేయాలని లక్ష్యంగా పెట్టుకున్నామని సీఎం వెల్లడించారు. ఈ లక్ష్యానికి అనుగుణంగా, ప్రపంచ ప్రఖ్యాత వ్యక్తులు, అంతర్జాతీయ కంపెనీల పేర్లను హైదరాబాద్‌లోని ప్రధాన రహదారులకు ఇవ్వాలని ప్రభుత్వం నిర్ణయించింది.

ఈ ప్రతిపాదనలో భాగంగా ఫ్యూచర్ సిటీ లోని ఒక ప్రధాన రోడ్డుకు పారిశ్రామిక వేత్త రతన్ టాటా పేరు పెట్టనున్నారు. అలాగే హైదరాబాద్‌లోని US కాన్సులేట్ వైపుకు వెళ్లే రోడ్డును డొనాల్డ్ ట్రంప్ ఎవెన్యూ, మరో కీలక రహదారిని గూగుల్ స్ట్రీట్‌గా నామకరణం చేయనున్నట్లు ప్రకటించారు. ఈ పేర్ల ద్వారా హైదరాబాద్ గ్లోబల్ కనెక్ట్‌ను ప్రతిబింబిస్తూ, అంతర్జాతీయ హబ్‌గా నగర ప్రతిష్ఠను మరింత పెంచాలనే ఆలోచన ప్రభుత్వానికి ఉంది.