సీఎం కప్–2025 రెండో ఎడిషన్ పోస్టర్‌ను ఆవిష్కరించిన సీఎం రేవంత్ రెడ్డి

తెలంగాణ ముఖ్యమంత్రి ఏ. రేవంత్ రెడ్డి మంగళవారం సీఎం కప్–2025 రెండో ఎడిషన్ పోస్టర్‌ను ఆవిష్కరించారు. ఈ కార్యక్రమంలో మంత్రి వాకిటి శ్రీహరి, శాట్స్ చైర్మన్ శివసేనా రెడ్డి, స్పెషల్ సీఎస్ జయేష్ రంజన్, సీఎం ప్రిన్సిపల్ సెక్రెటరీ శ్రీనివాసరాజు, SATG ఎండీ సోనీబాల పాల్గొన్నారు.

సీఎం కప్–2025 క్రీడా పోటీలు రాష్ట్రవ్యాప్తంగా వివిధ దశల్లో నిర్వహించనున్నారు. ఈ నెల 17 నుంచి 22 వరకు గ్రామ స్థాయి, 28 నుంచి 31 వరకు మండల స్థాయి పోటీలు జరగనున్నాయి. ఫిబ్రవరి 3 నుంచి 7 వరకు నియోజకవర్గ స్థాయి, ఫిబ్రవరి 10 నుంచి 14 వరకు జిల్లా స్థాయి, ఫిబ్రవరి 19 నుంచి 26 వరకు రాష్ట్ర స్థాయి పోటీలు నిర్వహించనున్నారు. మొత్తం 44 రకాల క్రీడల్లో SATG ఈ పోటీలను నిర్వహించనుంది.