హీరో విజయ్‌కు సీబీఐ నోటీసులు

కరూర్ తొక్కిసలాట కేసులో టీవీకే పార్టీ అధినేత, హీరో విజయ్‌కు సీబీఐ నోటీసులు జారీ చేసింది. ఈ నెల 12 న విచారణకు హాజరుకావాలని సీబీఐ ఆదేశించింది. ఢిల్లీలోని సీబీఐ ప్రధాన కార్యాలయంలో విజయ్‌ను విచారించే అవకాశం ఉంది.

గత ఏడాది సెప్టెంబర్ 27 న తమిళనాడులోని కరూర్‌లో విజయ్ నిర్వహించిన ప్రచార సభలో తీవ్ర తొక్కిసలాట చోటుచేసుకుంది. ఈ ఘటనలో 41 మంది ప్రాణాలు కోల్పోగా, 60 మందికిపైగా గాయపడ్డారు. ఈ ఘటనపై దర్యాప్తులో భాగంగా సీబీఐ విజయ్‌కు సమన్లు జారీ చేసింది.