పదవి ఎవరికీ శాశ్వతం కాదు – సీఎం చంద్రబాబు

మంగళగిరిలోని తెలుగుదేశం పార్టీ కార్యాలయంలో నిర్వహించిన ఓటరు జాబితా సవరణపై వర్క్‌షాప్‌లో ఏపీ సీఎం చంద్రబాబు కీలక వ్యాఖ్యలు చేశారు. పదవి ఎవరికీ శాశ్వతం కాదని, పని చేసినంత కాలం పదవికి ఎలాంటి ప్రమాదం ఉండదని ఆయన అన్నారు.

ఈ నెల 4వ తేదీన ఎన్డీఏ నేతల సమావేశం జరగనుందని ఆయన తెలిపారు. రాష్ట్ర, జిల్లా, నియోజకవర్గ స్థాయిలో సమన్వయ కమిటీలను ఏర్పాటు చేస్తున్నట్లు చెప్పారు. క్షేత్రస్థాయిలో మిత్రపక్షాలు కలిసి పనిచేయాలని, కార్యకర్తలకు ప్రాధాన్యం ఇవ్వాల్సిందేనని ఎమ్మెల్యేలకు స్పష్టం చేశారు.