కెనడా విద్యా వీసాలపై ఆందోళనలు !

కెనడాలో విద్యా వీసాల అనుమతులపై తాజా నివేదిక తీవ్ర ఆందోళనలు వ్యక్తం చేసింది. భారతదేశం నుంచి దరఖాస్తులు తగ్గినా, అనుమతుల శాతం పెరగడం ఆశ్చర్యంగా మారింది. మోసపూరిత దరఖాస్తులు ఎక్కువగా ఉన్నాయని గుర్తించినప్పటికీ, వేగవంతమైన అనుమతి విధానంలో 2022 లో 61% ఉన్న అనుమతులు 2024 నాటికి 98% కు పెరగడం గమనార్హం.

2023 నుంచి 2024 మధ్య 1,50,000 కు పైగా అనుమానాస్పద కేసులు గుర్తించినప్పటికీ, నిధుల కొరత కారణంగా కేవలం 4,000 కేసులనే విచారించారు. 2018 నుంచి 2023 మధ్య సుమారు 800 వీసాలు తప్పుడు సమాచారం ఆధారంగా జారీ అయినట్లు వెల్లడైంది. అయినప్పటికీ దాదాపు 92% దరఖాస్తులకు అనుమతి లభించడం వ్యవస్థలో లోపాలను చూపుతోంది. భవిష్యత్తులో కఠిన తనిఖీలు చేపట్టాలని అధికారులు నిర్ణయించారు.