ఏప్రిల్ ఫూల్ ఎందుకు పిలుస్తారంటే?

ఏప్రిల్ ఫూల్స్ డే ప్రతి సంవత్సరం ఈ రోజు జరుపుకుంటారు. ఈ రోజు ఎలా ప్రారంభమైందన్న దానిపై పలు కథనాలు ఉన్నాయి. వాటిలో ముఖ్యంగా 1582లో పోప్ గ్రెగొరీ ప్రవేశపెట్టిన గ్రెగోరియన్ క్యాలెండర్ మార్పు గురించి చెబుతారు. అప్పటివరకు ఈ రోజు నూతన సంవత్సరాన్ని జరుపుకునేవారు. తర్వాత దాన్ని జనవరి 1కి మార్చారు. ఈ మార్పును పాటించని వారిని “ఏప్రిల్ ఫూల్స్” అని ఆటపట్టించడం మొదలైంది. మరో కథనం ప్రకారం, రోమన్ కాలంలో జరిపే హిలారియా పండుగ నుంచి ఈ సంప్రదాయం వచ్చిందని చెబుతారు. ఇలా ఇది క్రమంగా సరదా ప్రాంక్స్, జోక్స్ చేసే రోజుగా మారింది.

ఇప్పుడు ప్రపంచవ్యాప్తంగా ఈ రోజున ప్రజలు స్నేహితులు, కుటుంబ సభ్యులతో సరదాగా ఆటపట్టిస్తూ నవ్వులు పంచుకుంటారు. అయితే చైనా, ఇరాన్, ఉత్తర కొరియా, సౌదీ అరేబియా వంటి కొన్ని దేశాల్లో ఈ వేడుకలపై ఆంక్షలు ఉన్నాయి. అబద్ధపు వార్తలు, ఎగతాళి వల్ల గందరగోళం ఏర్పడొచ్చనే కారణంతో అక్కడ ఈ రోజు ప్రోత్సహించరు. ఈ రోజు ముఖ్య ఉద్దేశ్యం సరదాగా నవ్వుకోవడం మాత్రమే కాబట్టి, ఎవరికి ఇబ్బంది కలగకుండా జాగ్రత్తగా జరుపుకోవాలి.