సొంత గడ్డపై మెస్సీ చివరి మ్యాచ్.. భావోద్వేగానికి లోనైన దిగ్గజం

అర్జెంటీనా ఫుట్‌బాల్ దిగ్గజం లియోనెల్ మెస్సీ సొంతగడ్డపై జరిగిన మ్యాచ్‌లో భావోద్వేగానికి గురయ్యాడు. ఫిఫా వరల్డ్ కప్ 2026 తర్వాత అంతర్జాతీయ ఫుట్‌బాల్‌కు వీడ్కోలు పలకనున్న నేపథ్యంలో, తన అభిమానుల ముందే ఆడిన ఈ మ్యాచ్ ఆయనకు ప్రత్యేకంగా నిలిచింది. జాంబియాతో జరిగిన వార్మప్ మ్యాచ్‌లో అర్జెంటీనా జట్టు 5 - 0 తేడాతో ఘన విజయం సాధించింది.

ఈ మ్యాచ్‌లో మెస్సీ తన కెరీర్‌లో 116 వ గోల్ నమోదు చేశాడు. అయితే, ఇదే తన స్వదేశంలో చివరి మ్యాచ్ కావడంతో మైదానంలోనే భావోద్వేగానికి గురై కన్నీళ్లు పెట్టుకున్నాడు. ఈ దృశ్యం అభిమానులను కదిలించగా, సోషల్ మీడియాలో కూడా పెద్ద ఎత్తున స్పందనలు వెల్లువెత్తాయి. మెస్సీకి అభిమానులు ఘనంగా వీడ్కోలు పలికారు.