అమరావతి కి బిల్ గేట్స్

మైక్రోసాఫ్ట్ వ్యవస్థాపకుడు బిల్ గేట్స్ ఈనెల 18న రాజధాని అమరావతిలో పర్యటించనున్నారు. ముఖ్యమంత్రి చంద్రబాబుతో భేటీ అయి, గత ఏడాది 'బిల్&మెలిండా గేట్స్ ఫౌండేషన్'తో కుదుర్చుకున్న ఒప్పందాల పురోగతిపై చర్చించనున్నారు. ముఖ్యంగా వ్యవసాయం, ఆరోగ్యం, విద్యా రంగాల్లో ఏఐ వినియోగంపై ఈ సమావేశం సాగనుంది. అలాగే, అమరావతి 'క్వాంటం వ్యాలీ'లో మైక్రోసాఫ్ట్ భారీ పెట్టుబడులపై స్పష్టత వచ్చే అవకాశం ఉంది.   

• అమరావతిలో ప్రతిష్టాత్మకంగా నిర్మిస్తున్న 'క్వాంటం వ్యాలీ' లో మైక్రోసాఫ్ట్ సుమారు ₹1,772 కోట్ల భారీ పెట్టుబడి పెట్టే అవకాశం ఉందని సమాచారం. ఇక్కడ సుమారు 1200 క్యూబిట్స్ (Qubits) సామర్థ్యం గల దేశంలోనే అతిపెద్ద క్వాంటం కంప్యూటింగ్ కేంద్రాన్ని మైక్రోసాఫ్ట్ ఏర్పాటు చేయనుంది

• రాష్ట్ర ప్రభుత్వం ప్రతిపాదించిన ఆర్టిఫిషియల్ ఇంటెలిజెన్స్ (AI) యూనివర్సిటీ అడ్వైజరీ బోర్డులో చేరాల్సిందిగా చంద్రబాబు ఇప్పటికే బిల్ గేట్స్‌ను కోరారు. దీనిపై ఈ సమావేశంలో తుది నిర్ణయం వచ్చే అవకాశం ఉంది.

• విద్యార్థులకు చిన్నతనం నుంచే సాంకేతికతపై అవగాహన కల్పించేందుకు అమరావతిలో 'ఏఐ లివింగ్ ల్యాబ్స్' పేరిట ప్రత్యేక శిక్షణ కేంద్రాల ఏర్పాటుపై కూడా చర్చలు జరగనున్నాయి.

• • మారుమూల గ్రామాల్లో టెలీమెడిసిన్ సేవలు మరియు వ్యాధి నిర్ధారణ పరీక్షల కోసం గేట్స్ ఫౌండేషన్ సహకారం.

  • ప్రభుత్వ పాఠశాలల్లో ఎడ్-టెక్ (Ed-Tech) సాధనాల వినియోగం.