గ్రీన్‌కార్డ్ నిబంధనలపై గందరగోళం మధ్య అమెరికా స్పష్టత

గ్రీన్‌కార్డ్ నిబంధనలపై అమెరికా ప్రభుత్వం స్పష్టత ఇచ్చింది. శాశ్వత నివాస దరఖాస్తు ప్రక్రియ జరుగుతున్న సమయంలో దరఖాస్తుదారులు అమెరికాను విడిచి వెళ్లాల్సిన అవసరం లేదని హోమ్‌లాండ్ సెక్యూరిటీ విభాగం (డిహెచ్ఎస్) వెల్లడించింది. దరఖాస్తుదారుడు దేశంలోనే ఉండాలా లేదా స్వదేశానికి వెళ్లాలా అన్నది ఇమిగ్రేషన్ అధికారుల నిర్ణయంపై ఆధారపడి ఉంటుందని తెలిపింది.

ఇటీవల యూఎస్‌సీఐఎస్ ఇచ్చిన ప్రకటన వల్ల కొంత గందరగోళం నెలకొనగా ఈ వివరణ ఇచ్చారు. ఇది కొత్త విధాన మార్పు కాదని, ఇప్పటికే ఉన్న నిబంధనలనే గుర్తుచేసినట్లు డిహెచ్ఎస్ పేర్కొంది. దరఖాస్తు ప్రక్రియలో ఉన్నవారు అమెరికాలోనే ఉండవచ్చని స్పష్టం చేసినప్పటికీ, కొన్ని పరిస్థితుల్లో దేశం విడిచి వెళ్లాల్సిన అవసరంపై ఇంకా స్పష్టత లేకపోవడంతో వలసదారుల్లో ప్రశ్నలు మిగిలాయి.