ప్రారంభానికి భోగాపురం ఎయిర్‌పోర్ట్‌ సిద్ధం !

ఆంధ్రప్రదేశ్‌లోని భోగాపురం అంతర్జాతీయ విమానాశ్రయం ప్రారంభానికి పూర్తిగా సిద్ధమవుతోందని అధికార వర్గాలు తెలిపాయి. ప్రారంభోత్సవానికి హాజరు కావాలని ముఖ్యమంత్రి చంద్రబాబు నాయుడు ప్రధాని నరేంద్ర మోదీని ఆహ్వానించినట్లు సమాచారం. అలాగే జూలై 5, జూలై 8, ఆగస్టు 17, ఆగస్టు 19 తేదీలను ప్రారంభోత్సవానికి అనువైన సమయాలుగా సూచిస్తూ ఆయన అందుబాటును కోరినట్లు తెలుస్తోంది. ఈ ప్రాజెక్ట్ రాష్ట్రంలోని కీలక మౌలిక సదుపాయాల అభివృద్ధిలో ఒక ముఖ్యమైన మైలురాయిగా భావిస్తున్నారు.

విమానాశ్రయ పనులను జూన్ 30 లోపు పూర్తి చేయాలని ప్రభుత్వం జీఎంఆర్ సంస్థకు ఆదేశాలు జారీ చేసింది. ప్రారంభమైన తర్వాత భోగాపురం విమానాశ్రయం ఉత్తరాంధ్ర ప్రాంతానికి మెరుగైన రవాణా సౌకర్యాలు, ఆర్థిక అభివృద్ధిని తీసుకురానుందని అంచనా వేస్తున్నారు.