జీహెచ్‌ఎంసీలో తీవ్రమైన అవినీతికి ముఖ్యమంత్రి బాధ్యులు - కవిత

కల్వకుంట్ల కవిత బంజారాహిల్స్‌లో జరిగిన ప్రెస్ మీట్‌లో జీహెచ్‌ఎంసీలో భారీ స్థాయిలో అవినీతి జరుగుతోందని ఆరోపించారు. టెండర్ల ప్రక్రియను పక్కన పెట్టి నామినేషన్ విధానంలోనే రూ.1,148 కోట్లకు పైగా పనులు అప్పగించారని ఆమె విమర్శించారు. జీహెచ్‌ఎంసీ, హెచ్‌ఎండీఏ పరిధిలోని పనులన్నీ టెండర్ విధానంలోనే ఇవ్వాలని డిమాండ్ చేశారు.

అలాగే రియల్ ఎస్టేట్ సంస్థలను బెదిరిస్తున్నారని ఆరోపిస్తూ, ఇది కొనసాగితే అమలు సంస్థలకు ఫిర్యాదు చేస్తామని హెచ్చరించారు. ప్రభుత్వ విధానాల వల్ల ప్రజాధనం దుర్వినియోగం అవుతోందని పేర్కొంటూ, నామినేషన్ విధానాన్ని వెంటనే రద్దు చేసి పారదర్శక విధానాలు అమలు చేయాలని కోరారు.