బోగాపురం ఎయిర్పోర్ట్, ఉత్తరాంధ్ర ప్రజలుకు సీఎం చంద్రబాబు గ్రీటింగ్స్..

భోగాపురం గ్రీన్‌ఫీల్డ్ అంతర్జాతీయ విమానాశ్రయంలో ప్రయోగాత్మకంగా నిర్వహించిన తొలి విమాన ల్యాండింగ్ విజయవంతంగా పూర్తవడం ఆంధ్రప్రదేశ్‌కు ఒక చారిత్రక ఘట్టంగా నిలిచింది. ఈ వాలిడేషన్ ఫ్లైట్‌తో ఉత్తరాంధ్ర ప్రాంతంలో కనెక్టివిటీ పెరుగుతూ, అభివృద్ధి అవకాశాలకు మరింత బలాన్ని చేకూర్చే దిశగా కీలక అడుగు పడింది. 2014–19 మధ్యకాలంలో ఎన్డీఏ ప్రభుత్వ హయాంలో రూపకల్పన చేసి ప్రారంభించిన ఈ ప్రాజెక్ట్ ప్రాంతీయ అభివృద్ధికి మార్గదర్శకంగా నిలుస్తోంది.

ఈ సందర్భంగా ముఖ్యమంత్రి నారా చంద్రబాబు నాయుడు ఉత్తరాంధ్ర ప్రజలకు ప్రత్యేక శుభాకాంక్షలు తెలిపారు. భోగాపురం గ్రీన్‌ఫీల్డ్ అంతర్జాతీయ విమానాశ్రయం 2026 జూన్ నాటికి వాణిజ్య కార్యకలాపాలకు సిద్ధమవుతుందని వెల్లడించారు. ఈ విమానాశ్రయం ఉత్తరాంధ్రను కొత్త ఎత్తులకు తీసుకెళ్లే శక్తిగా మారనుందని పేర్కొన్నారు. ప్రధాని నరేంద్ర మోదీ గారి దూరదృష్టి మరియు నాయకత్వానికి ఆయన కృతజ్ఞతలు తెలిపారు.