శంషాబాద్ ఎయిర్‌పోర్ట్‌ లో విమానాల రాకపోకలకు అంతరాయం

వాతావరణం అనుకూలించకపోవడంతో హైదరాబాద్ శంషాబాద్ అంతర్జాతీయ విమానాశ్రయంలో విమానాల రాకపోకలకు అంతరాయం ఏర్పడింది. ల్యాండ్ కావాల్సిన పలు విమానాలను భద్రత కారణంగా ఇతర విమానాశ్రయాలకు మళ్లించారు.

అలాగే ఢిల్లీ, చండీగఢ్, రాంచీ, వారణాసి వెళ్లాల్సిన కొన్ని విమానాలు రద్దయ్యాయి. వాతావరణ పరిస్థితులు మారే అవకాశం ఉండటంతో ప్రయాణికులు తమ విమాన వివరాలను ముందుగా చెక్ చేసుకోవాలని విమానాశ్రయ అధికారులు సూచించారు.