భద్రతా సంస్థలు హై అలర్ట్‌లో - జైష్ తదుపరి ప్లాన్ ఏంటి?

జైషే మహ్మద్ ఉగ్ర సంస్థ భారత్‌లో మరో దాడికి సిద్ధమవుతున్నట్లు తాజా ఇంటెలిజెన్స్ సమాచారంలో తెలుస్తోంది. ఈ హెచ్చరికలను భద్రతా విభాగాలకు పంపినట్లు వార్తలు వచ్చాయి. అందువల్ల దేశవ్యాప్తంగా పర్యవేక్షణను, జాగ్రత్త చర్యలను అధికారులు మరింత బలపరిచారు.

వివరాల ప్రకారం, జైష్ ఉగ్రవాదులు ఇటీవల పలు ప్రాంతాల్లో ప్రత్యేక శిక్షణలు తీసుకున్నట్లుగా గుర్తించారు. డిజిటల్ మార్కెట్ల ద్వారా దాడికి అవసరమైన సామగ్రిని కొనుగోలు చేసిన అనుమానాలు కూడా వెలువడ్డాయి. సుమారు ₹6,400 విలువ చేసే అనుమానాస్పద లావాదేవీలు నమోదైనట్లు అధికారులు తెలిపారు. జైష్ మళ్లీ తన నెట్‌వర్క్‌ను బలోపేతం చేసి, వివిధ మార్గాల్లో తమ సభ్యులను భారత్‌లోకి పంపించే ప్రయత్నాలు చేస్తున్నారని ఇంటెలిజెన్స్ వర్గాలు చెబుతున్నాయి.

ఢిల్లీ సహా పలు ప్రధాన నగరాల్లో భద్రతా సంస్థలు హై అలర్ట్‌లోకి వెళ్లాయి. జైష్ కార్యకలాపాలు పెరిగినట్లు సూచనలు రావడంతో, ఏ ప్రాంతాలు లక్ష్యంగా ఉన్నాయన్నది ఇంకా స్పష్టంగా తెలియకపోయినా, అధికారులు అదనపు భద్రతా ఏర్పాట్లు తీసుకున్నారు. హుటాహుటిన సెక్యూరిటీని కట్టుదిట్టం చేయాలని, ప్రమాద సూచనలు ఉన్న ప్రాంతాలను దగ్గరగా పర్యవేక్షించాలని ఉన్నతాధికారులు ఆదేశించారు.