ఉమెన్ వరల్డ్ కప్ విన్నర్ కు ఏపీ సర్కారు నజరానా, ఉత్తర్వులు జారీ!

ఉమెన్ వరల్డ్ కప్‌లో ప్రతిభను చాటి రాష్ట్రానికి గర్వకారణంగా నిలిచిన శ్రీచరణిని ఆంధ్రప్రదేశ్ ప్రభుత్వం ఘనంగా సత్కరించేందుకు నిర్ణయించింది. ఆమె అద్భుతమైన ప్రదర్శనకు గుర్తింపుగా నగదు బహుమతి సహా పలు ప్రోత్సాహకాలను ప్రకటించింది.

ఈ సందర్భంగా ఏపీ ప్రభుత్వం తరఫున శ్రీచరణికి రూ.2.50 కోట్ల నగదు బహుమతిని అందించనున్నారు. అలాగే కడపలో 1,000 చదరపు గజాల విస్తీర్ణంలో నివాస స్థలాన్ని కేటాయించనున్నారు. అదనంగా రాష్ట్ర ప్రభుత్వంలో గ్రూప్-1 హోదాలో నియామకం కల్పించాలని నిర్ణయించి, ఇందుకు సంబంధించిన ఉత్తర్వులను ప్రభుత్వం విడుదల చేసింది.