పర్మిషన్ లేకుండా డ్యూటీ కి రాకపోతే చర్యలు - ప్రభుత్వ ఉద్యోగులకు తెలంగాణ ప్రభుత్వం షాక్

డ్యూటీకి క్రమం తప్పకుండా హాజరుకాని ప్రభుత్వ ఉద్యోగులపై కఠిన చర్యలు తీసుకునేందుకు తెలంగాణ ప్రభుత్వం సిద్ధమైంది. అనుమతి లేకుండా ఏడాదికి మించి విధులకు దూరంగా ఉంటే నేరుగా ఉద్యోగం నుంచి తొలగించేలా తెలంగాణ సివిల్ సర్వీస్ నిబంధనలను సవరించింది. ఈ మేరకు ప్రభుత్వ ప్రధాన కార్యదర్శి ఉత్తర్వులు జారీ చేశారు.

వరుసగా సెలవుల్లో ఉండడం, అనుమతి లేకుండా సేవలో కొనసాగకపోవడం వంటి పరిస్థితుల్లో ఉద్యోగం తప్పదని ప్రభుత్వం స్పష్టం చేసింది. మొదట సంబంధిత ఉద్యోగికి షోకాజ్ నోటీసు జారీ చేస్తారు. ఆ తర్వాత సరైన వివరణ ఇవ్వకపోతే సేవల నుంచి తొలగించే చర్యలు తీసుకుంటారు. ప్రభుత్వ పరిపాలనలో క్రమశిక్షణ, బాధ్యత పెంచేందుకే ఈ నిర్ణయం తీసుకున్నట్లు అధికారులు తెలిపారు.