ఉపేంద్ర ‘నెక్స్ట్ లెవెల్’ గ్రాండ్ లాంచ్.. హీరోయిన్ ఎవరో తెలుసా?

కన్నడ స్టార్ ఉపేంద్ర వరుస విజయాలతో దూసుకుపోతూ వైవిధ్యమైన కథలను ఎంచుకుంటున్నారు. తాజాగా ఆయన హీరోగా నటిస్తున్న కొత్త చిత్రం ‘నెక్స్ట్ లెవెల్’ ఘనంగా ప్రారంభమైంది. చిత్రబృందం, పలువురు ప్రముఖుల సమక్షంలో పూజా కార్యక్రమాలు నిర్వహించారు. భారీ బడ్జెట్‌తో పక్కా యాక్షన్ ఎంటర్‌టైనర్‌గా ఈ సినిమాను తెరకెక్కించనున్నారు. అరవింద్ కౌశిక్ ఈ చిత్రానికి దర్శకత్వం వహిస్తున్నారు.

‘నెక్స్ట్ లెవెల్’ కన్నడతో పాటు తెలుగులోనూ ఏకకాలంలో ద్విభాషా చిత్రంగా రూపొందుతోంది. దీంతో ఈ సినిమాపై టాలీవుడ్‌లోనూ ఆసక్తి నెలకొంది. సీనియర్ నటి మాలశ్రీ కుమార్తె ఆరాధన రామ్ ఈ చిత్రంలో ఉపేంద్ర సరసన హీరోయిన్‌గా నటించనున్నారు. ఉపేంద్ర మేనల్లుడు నిరంజన్ సుధీంద్ర కీలక పాత్రలో కనిపించనున్నారు. ఇక లాంచ్ వేడుకలో ఉపేంద్ర కుమారుడు ఆయుష్ ఉపేంద్ర ప్రత్యేక ఆకర్షణగా నిలిచారు. ప్రస్తుతం ఈ కార్యక్రమానికి సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.