రంపచోడవరం యుద్ధానికి సిద్ధమవుతున్న ‘భోగి’ టీమ్....

నటుడు శర్వానంద్ హీరోగా, దర్శకుడు సంపత్ నంది తెరకెక్కిస్తున్న ‘భోగి’ సినిమా కోసం రంపచోడవరం అటవీ ప్రాంతంలో భారీ యాక్షన్ సీన్‌కు సన్నాహాలు చేస్తున్నారు. ప్రస్తుతం సినిమా యూనిట్ అక్కడే లొకేషన్‌లు చూసుకుంటోంది. “షర్వా సంపత్ బ్లడ్ ఫెస్ట్” అనే హ్యాష్‌ట్యాగ్‌తో ఈ సినిమాపై ఇప్పటికే మంచి హైప్ ఏర్పడింది. ఈ సినిమా శర్వానంద్ కెరీర్‌లోనే చాలా మాస్, రగ్గడ్ స్టైల్‌లో ఉండబోతుందని తెలుస్తోంది.

ఈ యాక్షన్ సీన్‌ను స్టంట్ మాస్టర్ దిలీప్ సుబ్బరాయన్ డిజైన్ చేస్తున్నారు. అడవి బ్యాక్‌డ్రాప్‌లో రా, నేచురల్ స్టైల్‌లో ఈ సన్నివేశాలు తెరకెక్కించనున్నారు. అనుపమ పరమేశ్వరన్, డింపుల్ హయాతి హీరోయిన్లుగా నటిస్తుండగా, భీమ్స్ సిసిరోలియో సంగీతం అందిస్తున్నారు. శ్రీ సత్యసాయి ఆర్ట్స్ బ్యానర్‌పై కె.కె. రాధామోహన్ ఈ సినిమాను నిర్మిస్తున్నారు. ఈ సినిమా వచ్చే ఏడాది ఆగస్టు 28న ప్రేక్షకుల ముందుకు రానుంది.