గురుగావ్ మెట్రో కు వరల్డ్ బ్యాంక్ లోన్

ఎన్నో రోజులుగా ఎదురుచూస్తున్న గురుగ్రామ్ మెట్రో ఫేజ్-2 ప్రాజెక్ట్‌కు భారీ ఆర్థిక మద్దతు లభించింది. వరల్డ్ బ్యాంక్ సుమారు ₹2,800 కోట్ల రుణాన్ని మంజూరు చేయనున్నట్లు సమాచారం. ఈ రుణం మొత్తం ప్రాజెక్ట్ వ్యయంలో దాదాపు 60 శాతం వరకు సహాయపడనుంది. 2026 జూలై నాటికి భారత ఆర్థిక వ్యవహారాల శాఖ నుంచి తుది అనుమతి లభించే అవకాశం ఉంది.

13 కిలోమీటర్ల పొడవున్న ఈ మెట్రో ఫేజ్-2 మార్గం సెక్టార్-9ను డీఎల్ఎఫ్ సైబర్ సిటీతో అనుసంధానించనుంది. ఈ మార్గం పలాం విహార్, అశోక్ విహార్, గురుగ్రామ్ రైల్వే స్టేషన్ వంటి ప్రధాన ప్రాంతాల గుండా సాగనుంది. దీంతో నగరంలోని టెక్ పార్కులకు సులభ రాకపోకలు కలుగడంతో పాటు ఎన్‌హెచ్-48పై ట్రాఫిక్ సమస్యలు తగ్గే అవకాశం ఉంది. వర్షాకాలం అనంతరం నిర్మాణ పనులు వేగం పుంజుకోనున్నాయి. 2027 నాటికి ప్రాజెక్ట్ పూర్తి చేయాలని లక్ష్యంగా పెట్టుకున్నారు.