సైబరాబాద్ ట్రాఫిక్ పోలీసుల తనిఖీలు...షాకింగ్ రిజల్ట్

సైబరాబాద్ పోలీస్ కమిషనరేట్ పరిధిలో వీకెండ్ సందర్భంగా ట్రాఫిక్ పోలీసులు విస్తృత స్థాయిలో డ్రంక్ అండ్ డ్రైవ్ తనిఖీలు నిర్వహించారు. ఈ తనిఖీల్లో మొత్తం 294 మందిపై కేసులు నమోదు చేసినట్లు అధికారులు తెలిపారు. వీరిలో ద్విచక్ర వాహనదారులు, ఆటో డ్రైవర్లు, కార్ డ్రైవర్లు ఉన్నారు.

బ్లడ్ ఆల్కహాల్ స్థాయిల ఆధారంగా కేసులను వర్గీకరించినట్లు పోలీసులు తెలిపారు. మద్యం సేవించి వాహనం నడపడం తీవ్రమైన నేరమని హెచ్చరించారు. ప్రమాదాలకు కారణమైతే కఠిన చట్టపరమైన చర్యలు తీసుకుంటామని, గరిష్టంగా 10 ఏళ్ల జైలు శిక్ష వరకు విధించే అవకాశం ఉందని అధికారులు స్పష్టం చేశారు.