సుప్రీంకోర్టు కోర్టు హాల్లో అనూహ్య ఘటన.. జడ్జిల వైపు దూసుకెళ్లిన పిటిషనర్

సుప్రీంకోర్టు కోర్టు హాల్లో విచారణ సందర్భంగా అనూహ్య ఘటన చోటుచేసుకుంది. విచారణకు హాజరైన ఓ పిటిషనర్ న్యాయమూర్తులపై అనుచిత వ్యాఖ్యలు చేస్తూ, జడ్జిల డయాస్ వైపు ఒక్కసారిగా దూసుకెళ్లి తన వద్ద ఉన్న పత్రాలను వారి వైపు విసిరారు. దీంతో కోర్టు హాల్లో కాసేపు ఉద్రిక్త పరిస్థితులు నెలకొన్నాయి.

వెంటనే స్పందించిన భద్రతా సిబ్బంది పిటిషనర్‌ను అదుపులోకి తీసుకుని కోర్టు హాల్ వెలుపలికి తరలించారు. ఈ ఘటన జరిగినప్పటికీ సుప్రీంకోర్టు బెంచ్ ఏమాత్రం సహనం కోల్పోకుండా విచారణను యథావిధిగా కొనసాగించింది. ఘటనపై అవసరమైన చర్యలు తీసుకునే ప్రక్రియ కొనసాగుతున్నట్లు సమాచారం.