టాలీవుడ్‌లో సంక్షోభం.. థియేటర్ బంద్ దిశగా చర్చలు

తెలంగాణలోని థియేటర్ యజమానులు కీలక సమావేశానికి సిద్ధమయ్యారు. శనివారం సాయంత్రం 3 గంటలకు తెలుగు ఫిలిం ఛాంబర్‌లోని నిర్మాతల మండలి హాల్లో ఈ భేటీ జరగనుంది. పర్సంటేజ్ సిస్టమ్ వివాదంపై ఎగ్జిబిటర్లు ఈ సమావేశంలో కీలక నిర్ణయం తీసుకోనున్నారు.

థియేటర్ యజమానులు, నిర్మాతల మధ్య కొనసాగుతున్న ఈ వివాదం టాలీవుడ్‌లో ప్రతిష్టంభనకు దారితీసింది. భవిష్యత్తు కార్యాచరణపై స్పష్టత రానుంది. థియేటర్ల బంద్ దిశగా అడుగులు పడే అవకాశముందా అనే అంశంపై సినీ వర్గాల్లో ఉత్కంఠ నెలకొంది.