ఏఐతోనే సైబర్ దాడులకు చెక్ పెట్టనున్న ఓపెన్‌ఏఐ!

సైబర్ ముప్పులను గుర్తించి వేగంగా పరిష్కరించేందుకు ఓపెన్‌ఏఐ ‘డేబ్రేక్’ అనే కొత్త ఏఐ ఆధారిత సైబర్ సెక్యూరిటీ ప్లాట్‌ఫారమ్‌ను విడుదల చేసింది. GPT-5.5 ఆధారిత సైబర్ మోడల్స్‌తో పాటు కోడెక్స్‌సెక్యూరిటీ ఏజెంట్ల సహాయంతో పనిచేసే ఈ వ్యవస్థ సాఫ్ట్‌వేర్‌లోని లోపాలను గుర్తించి, దాడుల ప్రమాదాన్ని ముందుగానే అంచనా వేసి పరిష్కారాలను సూచిస్తుంది.

కోడ్ విశ్లేషణ, థ్రెట్ మోడలింగ్, ప్యాచ్ వెరిఫికేషన్, దాడుల మార్గాల సిమ్యులేషన్ వంటి ఫీచర్లతో డేబ్రేక్ పనిచేస్తుంది. సిస్కో, క్లౌడ్‌ఫ్లేర్, క్రౌడ్‌స్ట్రైక్, ఒరాకిల్, పాలో ఆల్టో నెట్‌వర్క్స్ వంటి ప్రముఖ సైబర్ సెక్యూరిటీ సంస్థలతో కలిసి ఓపెన్‌ఏఐ ఈ ప్లాట్‌ఫారమ్‌ను ఎంటర్‌ప్రైజ్ భద్రతా వ్యవస్థల్లో ప్రవేశపెడుతోంది. నిపుణుల అభిప్రాయం ప్రకారం ఇది ఏఐ ఆధారిత సైబర్ రక్షణలో కీలక మలుపుగా మారనుంది.